Buku Grengseng (Greget, Ngupakara, Seneng, Nguri-uri) Basa Jawa nggadhahi kaunggulan kangge mucal muatan lokal Basa Jawi. Materi ingkang kababar kanthi sistematis lan interaktif wonten ing buku punika jumbuh kaliyan implementasi Kurikulum Merdeka. Materi kasebut ugi jumbuh kaliyan Keputusan Kepala Dinas Pendidikan dan Kebudayaan Provinsi Jawa Tengah Nomor 423.5/04678 Tahun 2022 babagan Pedoman Kurikulum Muatan Lokal Bahasa Jawa Jenjang Pendidikan Dasar dan Pendidikan Menengah di Provinsi Jawa Tengah. Buku punika kasusun miturut fase, ngemot maneka warna modhel piwulangan ingkang kagiyatanipun saget dipuntrapaken dening para dwija kangge mujudaken Profil Pelajar Pancasila. Buku punika ugi ngemot pitutur luhur, tradhisi, lan budaya Jawi, mliginipun ing Provinsi Jawa Tengah. Supados langkung gamblang anggenipun mahami materi, para siswa ugi saget ngginakaken gawainipun kangge scan barcode suplemen materi. Suplemen materi ingkang sumadya wonten ing buku punika awujud audio lan video.